الإعلام الدرامي نجح في أن يقنع المصريين والعرب أن شارع الهرم كله كباريهات ورقاصات وخمارات وحتنزل الشارع هتسكر من ريحة الخمر، وبالفعل الناس نسيت ان شارع الهرم مؤدي الي إحدى عجائب الدنيا السبع"الأهرامات وابو الهول".
الإعلام الدرامي نجح ان يقنع المصريين و العرب ان شارع جامعة الدول العربية في المهندسين هو شارع العاهرات، تروح هناك تلاقي الستات بتغتصبك، وبالفعل الناس نسيت انه شارع من اهم الشوارع التجارية وقلعة التكنولوجيا، وبه مسجد وجامع مصطفي محمود.
الإعلام الدرامي نجح ان يقنع المصريين و العرب ان المقطم مكان تاخد الموزة فيه وتقضي مصلحة والدنيا هناك مكان دعاره مفتوح، وبالفعل الناس نسيت انه يمكنك من المقطم ان ترى اجمل منظر لمصر من فوق وتستمتع بهواء نقي في قلب العاصمة
الإعلام الدرامي نجح ان يقنع المصريين و العرب ان كل غني حرامي وكل صاحب سلطة فاسد وكل شيخ ممكن يبيع نفسه وكل إمراة عاهرة وكل رجل شهواني، وبالفعل اصبح المجتمع يتعامل مع بعضه بهذا المنظور.
الإعلام الدرامي نجح ان يقنع المصريين و العرب ان كل فقير مدمن بانجو وحشيش وبيشم، وكل غني بيشرب ويشم هيروين ونايم في الشمبانيا والنبيذ، وبالفعل نسينا حجم الناس المحترمة حوالينا .
الإعلام الدرامي نجح ان يقنعنا ان الصح غلط والغلط هو الصح، وهو دا الاعلام الوطني .
46 مليون مواطن امريكى مشرد وفقير دا الإحصاء الحكومى الرسمى الاخير
لا افلام هوليوود ولا الاعلام الممنهج هيتكلم عن الموضوع زى اللى بيعملوه عندنا، ويصوروا المجتمع المصري في افلام السبكي وخالد يوسف كأنه مجتمع عفن، رائحته كريهة .
