مش عارف ليه كلمة"خمسة"عدد حروفها أربعة ،بينما كلمة"أربعة" عدد حروفها خمسة ، ومش عارف ليه كلمة"مع بعض"متفرقة، بينما كلمة (متفرقة) مع بعض، ومش عارف ليه (كلمة واحدة) من كلمتين، بينما كلمة (كلمتين) كلمة واحدة...وبرضو مش عارف ليه جامعة القاهرة في الجيزة،بينما أسمها جامعة القاهرة،ومش عارف ليه جامعة عين شمس في العباسية ،بينما عين شمس مبتطلعش فيها الشمس من الزحمة...ومش عارف ليه معمل ميدور في الإسكندرية ،والموظفين في القاهرة، ومش عارف ليه قيادات البترول السكندرية ماسكين شركات في القاهرة،بينما القاهريون ماسكين شركات في الإسكندرية...ومش عارف ليه رئيس الوزراء أوقف التعيين في القطاع الحكومي أبو قرشين ونكلة،بينما تركه في القطاع الإستثماري أبو ألف ومليون...أمور عجيبة غير أنها مفهومة ،لكن إللي مش مفهوم فعلاً القرارات العجيبة للمسئولين ،وإللي لسه مصر عندهم أوضة وصالة ،وليس ٢٧ محافظة ومائة مليون بني آدام...جمعة مباركة!!!
