مبدأ خفيف وظريف..تقدر تعيش بيه بدون تعذيب ضمير، والتلاجة مش الجبنة والخضار أواللحمة والفراخ، التلاجة يعني مصاريف الولاد من دروس لخروجات على شوية رحلات، وتخلص الرحلات ندخل على الجامعة والعربيات، وننزل منها على الشبكة والمهر والأفراح، تُشبك على طول في سبوع الواد، وأعز من الوِلد وِلد الوِلد، فتفضل التلاجة محتاجة، وانت بردو بتعمل أي حاجة، وفجأة تلاقي نفسك كبرت وعجزت وبقيت ولا حاجة، يوم وإتنين، شهر وشهرين، سنة واتنين، والمدفن نوّر باللي كان بيعمل أي حاجة، وللأسف فضل يمشي ورا التلاجة المحتاجة، لحد ما بقت سيرته بين الناس ..ولا حاجة.
