مئات بل آلاف الرسائل تنهال يومياً بسبب الأرباح، الكل يسأل، "كام شهر، وزي السنة إللي فاتت ولا أكتر، طيب على الأساسي القديم ولا الجديد، طيب هي ميدور وجاسكو وميدتاب وثروة وتنمية وصان مصر هياخدوا كام؟ أسئلة محرجة وكل واحد مشغول بغيره، ومفيش حد فكر في من هو أقل منه، كله بيسأل على الشركات الأعلى.
لكن أحب أقول كلمة: كل واحد يحمد ربنا أنه أخذ أرباح، كثيرة كانت أو قليلة فهذه ليست مشكلة، المهم أنه أخذ شيئ يدفع به مصاريف مدارس ولاده أو يسدد ديونه أو يدفع قسط ال BM ، فنحن نعيش ظروف غاية في القسوة، لأن هناك كثيرون لايجدون مايلتحفون به في ليالي الشتاء، ولا مايحجب عنهم حر الشمس في نهار الصيف...لقد منحكم الله أيها الإستثماريون مكتسبات فحافظوا عليها، وأشكروه على نعمه، وإذا نظر أحدكم فلينظر إلى من هو دونه...وللعاملون في ميدور مفيش داعي تبصوا على ميدتاب ،وموظفين جاسكو متبصوش على ميدور ، وموظفين بتروجت متبصوش على إنبي، ومفيش داعي حد يعرف ثروة أو تنمية أو الفرعونية بياخدوا كام.
لو عاوزين تعرفوا أنتم أد أيه في نعمة كبيرة، شوفوا بتروبل وجابكو ومصر للبترول والتعاون وشركات التكرير والإنتاج بياخدوا كام، ساعتها بس هتعرفوا أد أيه أنكم غرقانين في بحور النعم!!!
