الكاتب : عثمان علام |
01:17 am 26/08/2019
| 3107
الناس فقدت كثير من قيمها ، وحلت مكان القيم القديمة قيم مستحدثة ، لا حد عارفها جاية من الشرق ولا من الغرب ، كوكب تاني خالص لا هو موجود في سما ولا أرض ، حدف علينا سواقين التوك توك وبقوا هما سواقين أوبر وكريم ، وبقى فيه عندنا نمبر وان وحمو بيكا وبعبرور والعنب العنب العنب ، والستات بدل ما كانوا ساترين نفسهم لبسوا البنطلون المقطع ، وحمالة الصدر واحدة نازلة و واحدة طالعة ، والحجاب بقى نص نص ، لا حد عارف دي محجبة ولا عاوزه تبين شعرها ، والتخينة بقت حدوتة الفضائيات ، والمعصعصة بقت نموذج ، والشباب بقى رابط شعره بتوكه وداقق وشم ومربي عضلات وشغلته في الدنيا بوررروم ...مجتمع بقى خلطة بيطة مجتمع مرقع ، زي الجلابية المقطعة فيها من كل حتة قماش حتة...مش كده ولا أيه !!
