واحد بيسأل صاحبه أنت دايماً مبسوط ومزاجك حلو ليه؟،- رد عليه: علشان كل ما واحد يحاول يجادلني بريح دماغي واقوله عندك حق، صاحبه قاله بس كده غلط، رد عليه: عندك حق.
وأنا عن نفسي كل ما حد بيسألني عن الفرق بين القطاع العام والمشترك والإستثماري، بقوله عندهم حق، ولما حد بينتقد تعيين من ليس لهم خبرة أعضاء من أصحاب الخبرة، بقوله عندهم حق، ولما الناس تسأل عن القيادات القديمة ومفيش فيهم واحد عضو، بقول عندهم حق، ولما حد بيقولي دا بدل جلسة مجلس الإدارة في المشترك ألفين جنيه وفي ميدتاب 1750 دولار، بقوله عندهم حق، ولما بيسألوني حتحوت نقل الشريعي ليه، بقول عنده حق، طيب وصلاح السعيد بيشتم في التسجيلات ليه، بقول عنده حق، طيب وأيمن الشريعي زعلان ليه من الظلم، بقول عنده حق، طيب وجابكو من غير رئيس ليه؟ برضو عندهم حق، وطارق الحديدي أستقال ليه؟، عنده حق.
كل الناس عندها حق، وأنا عندي حق لما بكتب وأنتقد، بس هما برضو عندهم حق يعملوا إللي هما عاوزينه، وأيه رأيكم....كله على كله عنده حق.
