02:56 pm 07/02/2024
| رأي
| 1611
يا عالم اسمعوا صوتي
و افتكروا إن أنا انسان..
مش ابكم ولا أخرس بجد أنا ليا لسان ،
من حقي أقول وأعيد وأطلب حقوقي كمان ،
انا الطفل اللي من صغره عاش وداق حرمان ،
عيني ماشافتش هنا ولا لون من الألوان..
كل اللي شفته خراب، والدم مالي حيطان ..
صرخة و ورصاص و دمار وآلام من الطغيان..
انا اللي تحت الانقاض مُت من القسوه..
وانا اللي أبويا اتقتل عشان رفض الهوان ..
انا اللي بنام ومافيش في جوفي لا زاد ولا مايه ..
وانا اللي البرد صاحبني وبموت من الخضه..
ياما نفسي أشوف النور واهرب من الضلمة ..
كان نفسي أكون انسان عايش حياه تتعاش..
اصحى وأنام في الدفا وفي وسط اهل وناس ..
اتعلم وأروح مدرسه وأعيش مرفوع الراس ..
امشي من غير ما أخاف اضحك بصوت عالي ..
اخد ابنى في حضني واعمله خدي مداس..
لا حريق ولا قنابل ولا موت يخوفني ..
أنا الطفل اللي عانى و نفسه في بر أمان..
ماليش مأوى ولا مكان ولا حيطه بتحميني..
في حياة ماليش فيها ذنب، غير اني مش جبان ..
عايز أعيش في كرامه وحياه من غير ما اتهان ..
يا زمان إيه غيرك الظلم بقي عادي ..
والناس مش هي الناس ساكتين وانا بهاتي ..
النصره من حقي والأرض ده أرضي..
مستني موتي شهيد بفخر وبعزه ..
ماهي أصل ده أرضي وهو ده عرضي ..
وحقول بعلو الصوت يارب من قلبي ..
حفضل اعافر واواجه ماهو اصل ده طبعي..
ماهو ربي عمره ما يرضي بالظلم والقهره ..
افتكرو دايما صورتي واسمعو دعوه امي ..
محتاج ايديكو في ايدي ما النصر بالوحده ..
ماتسيبش الدنيا تاخدك وعنيك تتغمى..
سكوتك ده عندي اصعب من دمي ومن موتي..
اوعى تعيش في الوهم وتلهيك دنياك عني ..
ياريت تسمعو صوتى وافتكروا ان أنا انسان ..
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
