05:43 pm 07/08/2023
| رأي
| 2206
قالوا فى الامثال .. الصديق وقت الضيق
..بس اللى مقالوهوش ان مفيش ضيق طول ما معاك صديق .. الصديق هو اللى بيصد عنك أى وجع ممكن يجى فيك .. اللى بيفرحلك من قلبه وعيونه بتضحك ليك .. واللى عشانك ممكن يجرى لك دمعه ولا يمكن يشمت فيك .. اللى بيقعد يفكر معاك .. ويقولك دايما فداك .. يجرى معاك على مشاويرك .. ويصحى قبلك ويصحيك ولما بيتعب يدعى ان تعبه عمره ما يجى فيك .. الصديق اللى تلاقيه قبل اى حدث مهم ليك يشجعك ولا عمره ابدا يخدعك .. بيدارى عليك وقت انكسارك ...واللى بيبروز ليك لحظات أنتصارك .
دايما بيدرايك من العيون ..وفى ضهرك بيفضل أمين وعمره أبدا ما يخون ..هو أخ متولدش ليك .. بس ربنا أراد انه يكن لك نعم الصديق .
الصديق الصح بيسمع سكوتك.. قبل ما تنطق الكلام اللى فى قلبك بصوتك ..برغم ان عمرنا ما اتعلمنا معنى الصداقة فى المدارس ..بس ده شىء بنتولد بيه وبيكون فى القلب غارس ..فمش اى حد ترقيه وتقول ده صديقى وتطلع للسما بيه ..فالصداقة شىء ثمين وغالى ومش أى حد يدخل حياتك يومين.. ويقولك بعدها معطلكش يا خالى .
ننقى بقى كويس مين يستاهل يدخل قلبك وتسكنه ومن مفاتيح قلبك تستأمنه وتمكنه ..
وزى ما بيتقال ..أن الصداقة مدينة مفتاحها الوفاء ..فيارب يرزقنا دايما بصحبة الأصدقاء الأتقياء الأوفياء ..
شكرا انك صديقى يا من مهدت وازلت الشوك من طريقى .
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
