05:16 pm 09/08/2022
| رأي
| 3297
دقة بدقة…شيماء محمد
دقة بدقة ولو زدت لزاد السقا …مثل شعبى قديم ..بس اللى رواه رجل حكيم …حب يقول الناس … خافوا من رب الناس …وبلاش تأذوا الناس ..لانكم مش هتترحموا ومسيراللى داس ينداس .
بدأت الرواية برجل تاجر دهب بس حكاية…بيحب يتغزل بالصبايا ..والخشا والحياء مشطوبين من حياته …وشايف ان مغازلتهم هو أطيب ملذاته .
وفضل كتير على دا الحال ..لحد ما فى يوم دخل دكانه ..ودخل المكان قمر نور مكانه ..ومعقوله يكون عنده القمر وما يهناله ..فحب يلمس ايدها ..فصدته وجريت ورمت غويشتها ..وعدى يومه عادى ..ومفرقش معاه اللى عمله للساعه دى …
روح لقى مراته على خدها دمعتها ..وحزينة والمية مش موجودة فى بيتها ..سألها مالك وأيه جرالك ..قالت له كل يوم بيفوت السقا وبملى الميه ..وعمر ما عينه ابدا اترفعت فيا ..
الا النهاردة ..اتجرأ ومد ايده لمس ايديا ..
وهنا فاق عدم حياؤه الحدود ..فقفلت الباب وقلت بميته يغور ..
هنا سكت التاجر وقعد يفكر..وهى افتكرت انه عشانها اكيد متكدر ..بس الشرود مش عشان السقا عدى الحدود..بس عشان ضميره اتأثر ..
وقال فى باله …دقة بدقة لو زودت لزاد السقا ..
لازم هنا نتعلم ..ونقف على حكايته ونتكلم ..
انت جيت كام مره وعديت حدودك..مش بس فى اخلاقك ولكن برده وقت الحق بسكوتك ..تكدب وتسرق وتغش ..عشان خايف على وجودك ..
كما تدين تدان ..ففوق بقى يا انسان ..اعرف ان مسير السحر فى يوم ينقلب على الساحر …وهيقف قدام الناس فى موقف ساخر ..
ففى النهاية ..متكونش انت التاجر ..عشان ميجيش السقا ويكون بيك أنت …الغادر
واعرف ان المولى القدير هيصفى حسابك فى الأخر
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
