الحقيقة انني منذ وكلت الرئيس السيسي بمقالي في 20 يناير 2018 لفترة رئاسة ثانية وانا مهموم من تصرفات النخبة الفاسدة سياسيا واجتماعيا؛ وما زادني حيرة وغما انك تسمع من البعض اللي بنعتبرهم عاقلين يرددون: وهوالرئيس السيسي قفلها كده ليه لدرجة ان مش لاقيين مرشحين اخرين للرئاسة ..
ومما خفف من همومي ذلك الاتصال التليفوني من اخي الاكبر المحافظ المحترم السابق لمحافظة الشرقية وعميد عمداء طب عين شمس الاستاذ الدكتور حامد شتله : عاجبك اللي بيعملوه الغوغائيين اليومين دول وشفت الرئيس السيسي زعلان ازاي ....قوللي بذمتك الراجل ده هايقطع نفسه يعمل لهم ايه الراجل ده ؟ هوالناس دي ماعندهاش ريحة الدم ..مش الراجل ده ورجالته هما اللي انقذونا من حكم العشيرة اللي كانوا واخدينا لسكة اللي يروح مابيرجعش ...هما نسيوا ولا ايه ؛ لما كنا عايشين في الضلمة وبنشتري بنزين العربية من السوق السوداء ؛ وننوم الاحفاد من المغرب لاحسن يتخطفوا ؛ هما نسيوا لما الارهابيين والسفهاء تصدروا مشهد احتفالات اكتوبر 2012 وقادة الجيش غايبين ؛ هما نسيوا لما كانت السفيرة الامريكانية تقعد حاطة رجل علي رجل وتدي تعليماتها للمرشد وبطانته ؛ هما نسيوا اللي باعوا نصف سيناء لاخوانهم في غزة ؛ هما نسيوا المحافظة علي ارواح الخاطفين والمخطوفين .......يا دكتور شوادفي الناس دي ذاكرتهم ذاكرة السمكة تأكل الطعم من السنارة وترجع تاني مفيش مخ بعيد عنك ؛ .. والله ياسيادة المحافظ انني لا املك الا ان انقل رسالتك الرائعة الي قراء اخبار اليوم ....بعنوان ذاكرة السمكة .
اما عن غضب الرئيس السيسي فله كل الحق بعد كل اللي بيعمله الراجل " صحيح اللي مابيشوفش من الغربال يبقي اعمي ياسيادة المحافظ " ....وفي الاخر نقوله هانقاطع الانتخابات لانك ما رشحتش عنان ذيل الاخوان مكانك " اليس اللي اختشوا ماتوا " . دول ينطبق عليهم المثل " اللي مايعرفش بيقول عدس".
ورسالتي للمصريين ألا يعيروا الغوغائيين التفاتا ويثبتوا للعالم ان المصريين عارفين طريقهم كويس ويعيدوا الي الذاكرة يوم 26 يوليو2013 ؛ ويجعلوا من انتخابات الرئاسة 2018 " التفويض الثاني للرئيس السيسي " ... ألا قد بلغت اللهم فاشهد
