01:36 pm 27/09/2022
| رأي
| 2194
الرحلة قصيرة…شيماء محمد
حكاية بسيطة ..لست اصيلة ..سنها كبير وحلمها كان على الجيب للاسف كتير ..كان نفسها تسافر وتركب قطر ..تتفسح فيه من الفجر لحد العصر ..جريوا احفادها وحوشوا عشان يفرحوها ..وقطعوا تذكرة ..وحضنوها وقالولها دى جبناها مخصوص علشانك ..وخلاص اتحجز فى القطر مكانك ..لبست احلى هدوم وجهزت… ومن الفجرية كانت لمكانها وصلت ..وقعدت جنب شباك هواه خطير ..بس للاسف الكرسى كان فيه قطع كبير ..كل شويه تقعد تبصله ومضايقة ..وبعد كام محطة . ..قالت لنفسها … لا انا هقوم اغير مكانى ..ونقت كرسى تانى… سليم مش زى الاولانى ..بس خسارة الشباك مبيفتحش والشيش خلى الرؤية اصغر ..وبعدين بقى قالت لنفسها دى بقت حاجة تحير ..عدت كام محطة ومكنتش شايفة من المناظر الحلوة ..حتى ربعها. ..قالت لا كده بقى مبدهاش . ااقوم ادور على كرسى وشباك حلو تانى بمنكاش ... لاقت شباك كبير وكرسى سليم ومريح .. بس للاسف ..كان راكب جنبها ..ام بتعانى من ابنها ..صريخ وبكى طول الوقت ..قالت لنفسها لا بقى حرام صدعت ..واول ما الطفل نام.. فرحت قوى ..وقالت حلو كده خلص الكلام ..ولسه هتبص وتتفرج بهدؤ من الشباك … لاقت نفسها..وصلت ..بالسرعة دى يا سلام ..بكت على حالها ..وايه اللى حصل للرحلة وايه جرالها ..وفضلت تأنب فى نفسها ..لو كنت فضلت مكانى ..مكنتش ضيعت زمانى ..ايه يعنى قطع فى الكرسى ..ده مش اساسى..هو انا كان فين راسى .
الخلاصة
انت بتمر فى الحياة برحلة قصيرة ..فلا تتذمر ولا تهتم ..استرخى ومتشلش الهم ..ولازم تتعلم انك متحزنش من الحياة لو ألمتك … اعتبرها زى امك اللى لو غلطت ضربتك …عشان تقف مع نفسك وتتعلم من غلطتك .بس تكون متاكد ان جوه قلبها ساكنة محبتك .
فياريت تتقبل الحياة ناقصة ..واستمتع برحلتك ..ومتدورش حواليك ..لان اللى ربنا مش كاتبة ملكك ..عمره ما هيكون بين ايديك..
وخليك هادى ..فالرحلة قصيرة ..ولو حد ظلمك … الرحلة قصيرة ..ولو كسر قلبك ..خانك ..غشك ..برده افتكر ان الرحلة قصيرة ..
فابتسم على طول وبحياتك استمتع ..خليك دايما انت الطيب والصاحب والمجدع ..
ما احنا قلناها وكتير عدناها ..
الرحلة قصيرة
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
