03:27 pm 25/05/2022
| رأي
| 2484
شيماء محمد تكتب: متشربهاش ساده
وليه تستنى ..عشان الحياه تبقى لك جنة ..معقول تفضل مستنى مكانك...هو الكون منتظره يستنى جنابك ..قوم يلا معايا ومد ايديك..هتلاقى الحياه حلوه قصاد عينيك ..جرب بس ..مد ايدك هتلاقى الكون اصبح صديقك ..يلا بينا متكسلش ..عشان الدنيا متدكش الوش ..ممكن تزيح من قدامك..اى حواجز تهز كيانك ..بس انت اتجدعن واغلب شيطانك..واشتغل على نفسك وحدد هدفك ...متخليش حد يهز ثقتك ..خليك واثق فى احساسك ..واعرف دايما مين هم ناسك ..خلى بسمتك عاده وحضورك فى اى مكان للحواليك سعاده..هتقولى ازاى والدنيا مصممه تشربهانى ساده..هقولك متتلككش ربك رحيم بيقدر مابيعاقبش .. وفى استطاعتك تزود السكر بس بص للى معاك وليك ..كفايه هتلاقى قلوب بتحبك وحواليك ..مستنيه تشوف دمع الفرح مغرق عينيك..
بس هنا عشان ده يتم متقولش مش هقدر وتقعد على طوول متكدر ..وتقول يا دى الغم ..كده رسمى مبروك عليك الهم .
من الأخر لو عجباك ساده اشربها ..واتحمل طعم مرارها ..برغم ان ربك ياما سترها.
واعرف ان دايما فى ايديك تحلى دنيتك قصاد عينيك وتشوف كل اللى فعلا بيحبوك بيدعو لك وعلى نجاحك بيهنوك ويغنولك .
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
