10:36 am 16/03/2022
| رأي
| 2004
عيد الملكة المصرية…شيماء محمد
ست الستات اللى شايله الهم من بدرى ..ومن الصبح تصحى تلم حاجتها وتجرى على اكل عيشها الصبح وتدور ..ووشها زى البدر المنور.. .ضحكتها كلها رضى باللى ربنا قسمهولها تطلع م الصبح وتعاود فى المغربيه …ما هى ست اصيله جدعه وعلى الاصول متربيه ..…وفى زيها تجرى من بدرى على غيطها تساعد جوزها وتقطف وتشيل فى شيلتها ..ما هى عارفه برده انها ملكة جوه وبره بيتها ..
ودى ملكة تانيه هناك….صاحية من بدرى فى سكات …واقفه تجهز السندوتشات ..عاوزه ما تسمعش كلمة ميعاد الباص فات ..وتجرى بسرعه ورا ده وده هنا وهناك ..ما هى برده حرام معذوره ..عاوزه تشوف مصالحها ..بس الاولى دايما تجرى تشوف طلبات بيتها ..وتلبس وتجرى تروح شغلها ..زى الأله اللى بروحين ..بس من جواها متاكده انها ملكة تملى القلب والعين.
وهناك ملكة واقفه هناك شايله حمل كبير وقد المسئولية ..ما هى وراثه اصلها وعرق الملكات بيجرى فى دمها ..دكتوره ..مهندسة ..وزيره…ظابطه حتى كانت او غفيرة .
هى جدعه قدها وقدود وطموحها وصبرها ملهوش حدود ..
..الحنية والطيبه مذهبها .. والكرامه والقوة ..ده كتابها ..دايما واقفه فى ضهر احبابها ..حضنهم وامانهم هى بتكون …وهم بالنسبه لها محور الكون ..
عاوزين نقولهم فى كل شكل انتى ملكة بتكونى ..من صديقة ..لزوجة ..لأم ..وجده ..انتى الملكة المصرية اللى عيد النراءة لازم واساسى يكون عيدها ..
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
