11:04 pm 12/11/2019
| رأي
| 3106
كل حد فى حياتك بيشوفك بشكل مختلف، تلاقى واحد بيشوفك كريم جدا، وأخر رأيه انك بخيل، وحد تانى يشوفك جدع، وأخر بيوصف ندالتك، وواحد بيشوفك طموح والاخر بيشوفك كسول، كل الناس دول صادقون لأن الانسان بيكون جواه جزء جدعنة وأخر ندالة وجزء نشاط وجزء كسل وجزء حنية وطيبة وجزء عنف يعنى جواه تشكيلة من الصفات، زى طبق الفخفخينة فيه جميع الأصناف، وكل واحد بيتعامل معاك بيشوف فيك الجزء الى هو حابب يشوفه وانت كمان بتظهر له الجزء من شخصيتك حسب موقف الشخص معاك، زى لما بناكل من طبق الفخفخينة بيكون فيه اكتر من صنف بس اكتر حاجة بنحس بيها هى الى بنحبها اوى أو بنكرها اوى.
علم النفس بيقول هنا أن سلوك الإنسان بيتأثر ببعض العوامل، زى الوراثة إلى بتخلى الإنسان بيبقى له توجهات معينه فى قراراته بالإضافه لرؤيته الخاصه، وإيمانه بحاجات معينه، وكمان بيتأثر بتقيم الشخص للموقف واذا كان بيفضله اولا ولا لأ... وكمان العادات الإجتماعيه والتقاليد والأعراف دورها مهم جداً ومؤثر جداً.
وأخيراً..
لا تتاثر برأى حد في أى صديق لأن الرأى ده ممكن يكون صنعه موقف معين او حالة نفسيه لصاحب الموقف وخلى قراراتك فى أى شخص نابعة من تجربة شخصية ومش من اول تجربة ولو وجدت لاى شخص جانب سيئ تجنبه وتعامل مع الجانب الى بتحبه فى شخصيته وكأنك بتنقى صنف مش بتحبه من طبق الفخفخينة وبتجنبه وبتاكل باقى الطبق، تعامل مع صديقك كانه طبق فخفخينه انتقى الصفات الى مش عجباك وتتجنبها وتعامل مع الباقى انما لو معظم الاصناف لا تناسبك وقتها تتجنب الطبق بالكامل.
مجرد رأي…تصريحات المجاملة وتخيير المواطن فى انقطاع الكهرباء
د جمال القليوبي يكتب: النفط بين الصراعات الجيوسياسية وقرارات الاوبك والاوبك +
مجرد رأي…و للحديث بقية مع أشرف عبدالله
مجرد رأي..زمن الأبقار الحمراء
مجرد رأي..وزير مجنون
مجرد رأي…بداية الصعب
مجرد رأي…مصر للطيران رمز يجب أن يعيش
مجرد رأي..البحث عن مصيبة ؟
